Posible a ngumato iti presio dagiti sumagmamano a nateng gapu iti perdision nga ingubuay ti Habagat ken ti bagyo Luis ken Maymay kadagiti kadagiti mula, karaman iti Central Luzon ken dadduma pay a rehion.
Segun ti Department of Agriculture (DA), dumanon ti ₱135.5 million iti pannakadadael ken production losses iti agrikultura manipud kadagiti nasao a weather disturbance, a nakaapektar iti 4,516 ektarya a pagtalonan ken 6,010 a mannalon kadagiti lima a rehion.
Nakaapektar met iti dakes a panawen iti sektor ti panagkalap, nupay saan pay daytoy a karaman iti nadakamat a pakabuklan a gatad ti perdision.
Kabayatanna, nangitukon iti ahensia ti ₱106.5 million nga ayuda para kadagiti apektado a mannalon, karaman dagiti abono, bin-i, ken dadduma pay a production inputs. Mabalin da met a ma-akses iti Survival and Recovery Loan Program ng Agricultural Credit Policy Council, nga addaan ti pautang nga agingga ₱25,000, karaman dagiti dadduma pay a credit assistance ken crop insurance claims.###
