Target ni two-time Olympic champion Carlos Yulo a magun-od iti kaunaan a balitok a medalya iti Asian Games idiay Aichi-Nagoya, Japan, a maangay manipud Setyembre 19 agingga Oktubre 4, 2026.
Sumabak ni Yulo iti men’s artistic gymnastics kadua iti kabsat na a ni Karl Eldrew Yulo ken dadduma pay a miembro ti Philippine team, karaman da Miguel Besana ken Justine Ace de Leon.
Nupay naaddaan ti 12 a balitok a medalya ni Yulo iti Asian Artistic Championships, awan pay ti naala na a gold medal iti Asian Games.
Iti 2018 Asian Games idiay Jakarta, immuna isuna iti qualification ti floor exercise ngem nagleppas laeng iti maikapito a puesto iti final. Naala na met iti maikapat a puwesto iti vault.
Saan isuna a nakipaset iti 2022 Asian Games idiay Hangzhou, a naangay idi 2023, gapu ta naigiddan daytoy iti 2023 FIG World Artistic Gymnastics Championships idiay Antwerp, Belgium.
Karaman kadagiti mapapati a target ni Yulo iti floor exercise ken vault, no sadino karaman isuna kadagiti kangrunaan a contender kalpasan a maala na iti balitok a medalya iti floor exercise iti 2026 Asian Artistic Championships.###
