Inimpound ti Land Transportation Office (LTO) iti Porsche 918 Spyder a nakarehistro kenni Derek Ramsay kalpasan a natiliwan a nagusar ti saan nga otorisado a plaka iti pampubliko a kalsada.
Segun iti LTO, saan a maitunos iti “AJV 0918” iti opisial a plate number ti lugan.
Nangiruar iti ahensia ti Show Cause Order kontra kenni Ramsay ken iti designated driver a ni Anthony Jude “AJ” Violago tapno ilawlawag iti panagusar ti nasao a plaka.
Inlawlawag ni Ramsay nga adda isuna iti sabali a pagilian idi napasamak iti insidente ken impausar na iti lugan kenni Violago bayat a pagsarsaritaan iti panangilako daytoy. Inaklon met ni Violago nga isuna iti nangikabit ti plaka.
Inpasidong ti LTO iti 90-day preventive suspension iti lisensya ni Violago ken agtaltalinaed iti kustodiya ti ahensia iti Porsche bayat nga agtultuloy iti imbestigasion ken panagdingngeg.###
