Maysa a ginggined nga addaan ti preliminary magnitude a 5.9 iti timmama iti akindaya a Japan itay parbangon, a nangigubuay ti sumagmamano a perdision, pannakadangran ken pannakaitantan dagiti biahe iti Tokyo region, segun ti Japan Meteorological Agency ken lokal nga autoridad.
Napasamak iti ginggined alas-dos ti parbangon, a nagtaud iti southern Ibaraki Prefecture iti kauneg a 68 kilometro. Dimmanon iti lower 5 ti intensity daytoy iti Japanese seismic intensity scale 7 kadagiti sumagmamano a paset ti Ibaraki ken central Tokyo. Awan met ti nailista a tsunami.
Nasinga iti panagrugi dagiti sumagmamano train services, bayat a sumagmamano a residente idiay Saitama ken Kawasaki iti nadangran. Idiay Koto Ward, Tokyo, nadadael met iti maysa a water main ken maim-imbestigaran no adda ti pakainaigan daytoy iti ginggined.
Segun kadagiti operator, awan ti nailista nga abnormalidad iti Tokai No. 2 nuclear power plant ken iti Fukushima Daiichi ken Fukushima Daini nuclear plants.
Inallukoy met ti weather agency iti publiko nga agtalinaed nga alerto iti posible a ginggined a lower 5 intensity iti sumaruno a maysa lawas, kangrunaan iti uneg ti dua agingga tallo nga aldaw.###
