Nakaaramid manen ti pakasaritaan ni Alex Eala kalpasan a ngimmato iti No. 18 iti kauddian a WTA rankings, maysa a baro a career-high ken kangatuan a ranking ti maysa a Southeast Asian female tennis player iti pakasaritaan ti tour.
Ngimmato iti ranggo ni Eala manipud iti No. 20 ken naartapan iti sigud a record da Yayuk Basuki manipud Indonesia ken Tamarine Tanasugarn manipud Thailand, nga agpada a dimmanon iti No. 19.
Iti tawen a 21, iggem metten ni Eala dagiti sumagmamano a rekord para iti Philippine tennis, karaman iti panagbalin a Pilipino a dimmanon iti fourth round ti Grand Slam, nakaabak kadagiti Top 10 players, dimmanon iti semifinals ti WTA 1000 event ken nangabak ti WTA Tour title.
Target ita ni Eala iti Top 15, wenno agbalin a Top 10 iti US Open.
Malaksid iti women’s singles, makipaset met isuna iti mixed doubles kadua ni Canadian world No. 4 Felix Auger-Aliassime.
Iggem ni Eala iti momentum manipud iti fourth-round finish iti Wimbledon ken WTA 500 title idiay Washington.###
