Nadangran iti maysa a rider kalpasan a dimmungpar iti SUV a manmanehoen ti aktor a ni Niño Muhlach kadagiti sumagmamano nga establishimento iti Marcos Highway, Barangay Mambugan, Antipolo City idi malem ti Domingo.
Maibasar iti inisial a report, maipagarup a napukawan ti kontrol ni Muhlach kalpasan a makatuglep bayat nga agmanmaneho. Immagaw ti linya iti SUV, dimmungpar iti gutter, iti maysa a karinderya, barber shop ken sari-sari store.
Nadangran iti rider a mangmangan iti karinderya ken naiturong iti ospital gapu iti panagsakit ti bakrang, likod, ken luppo na. Naipasirok met iti motorsiklo na iti SUV.
Segun kenni Muhlach, sinungbatan na ti gastos iti panagpaagas ti rider ken nakirinnisut kadagiti makinbagi ti nadadael ng establishimento.
Nagkiddaw met isuna ti dispensar ken kenuna nga awaten na iti personal ken legal a pagsungbatan na iti insidente.
Agtultuloy iti imbestigasion dagiti otoridad tapno maammuan iti sibubukel a napasamak.###
