Inkari ti Anti-Red Tape Authority (Arta) a mapapigsa iti napartak, patas ken transparent a panangiproseso dagiti proyekto iti kontrobersial a Pax Silica hub, bayat a sigsiguraduen a mapagtalinaed daytoy a maitunos iti national interest.
Segun iti Arta, makikokoordinar daytoyen kadagiti regulator iti semiconductor sector tapno mapapartak iti government processing ken maikkan ti regulatory certainty dagiti propektibo nga agpuonan.
Ti Pax Silica ket maysa a United States-led initiative nga addaan panggep a papigsaen iti supplu chains para iti critical minerals, semiconductors, ken advanced technologies.
Awan pay ti kumpirmado a locator iti 1,619-hectare hub idiay Tarlac gapu ta mataltalantan pay laeng iti governing framework. Nupay kasta, siguden a dinakamat ti gobierno iti Taiwanese electronics giant a Foxconn kas posible nga anchor locator.
Target ti proyekto iti water fabrication, chip design ken critical minerals processing ken posible a makaur-or ti 40 agingga 70 billion dollar nga investments.
Impaganetget ti Arta a saan a kaipapan iti napartak a proseso ti panaglukay iti legal, environmental ken social safeguards.###
