BR LA UNION – Immabot ti 32 a minuto iti panangiruar ti desisyon ni Presiding Officer ken Senate President Francis “Chiz” Escudero seknan iti online post idi Agosto 12, 2026 ni Atty. Virgil Ligutan a nangtalantan iti maipagarop a panagusar ti misleading questions iti panangisayangkat ti cross-examination.
Iti inyetnag na a ruling, impaganetget ti Presiding Officer ti panagusar kadagiti saan a maiparbeng a sarita iti agtultuloy nga impeachment trial kontra kenni Vice President Sara Duterte, kas ti “scam,” “scammer,” ken dadduma pay a kapada nga akusasyon.
Inlawlawag ni Escudero, nupay agtaltalinaed a nakalukat iti publiko ti impeachment court, saan na nga ipalubos a maaddaan ti trial by publicity, partikular iti panagusar ti social media platform tapno talantanen ti merito ken dadduma pay nga isyu seknan iti kaso.
Gaputi dayta, nangiruar ti strict warning iti Presiding Officer a segun kenkuana, saan laeng a pormal a ballaag ti posible nga ipataw ti korte kenni Ligutan, iti sibubukel a prosecution team, iti defense counsel, ken uray kadagiti senator-judges ingkaso a maulit manen dagitoy bayat ti panagtulid ti panagusig.
Nagpalagip ti presiding officer iti amin a benneg nga isardeng ti panag-post ti anyaman a komentaryo wenno isyu seknan iti trial iti anyaman a social media page.
Impaganetget ti senador a ti panagusar ti social media tapno trataren ti isyu wenno impluwensyaan iti panunot ti publiko iti ruar ti impeachment court ket direkta a makadadael iti integridad ken panagbalin a patas wenno impartiality iti sibubukel a panagusig.
