Agtaltalinaed a suportado ti Philippine Sports Commission (PSC) ni tennis star Alex Eala iti pangngeddeng daytoy a mangibagi iti Pilipinas iti 2026 Asian Games imbes a makipaset iti China Open.
Segun kenni PSC chairman Patrick Gregorio, nalawag nga iti panangpili ni Eala a makaay-ayam iti Asian Games ket para iti pagilian, idinto nga agtultuloy iti pannakikomunikar ti PSC, Philippine Olympic Committee, ken Philippine Tennis Association iti WTA mainaig iti exemption iti mandatory tournament.
Ti China Open ket maysa a mandatory WTA 1000 event para kadagiti Top 30 players. Ti saan a nakaay-ayam ket mabalin nga agresulta ti $10,000 a multa ken zero ranking points, a nakabasar kadagiti agdama a pagannurotan ti WTA.
Mangrugi ti tennis competition iti Aichi-Nagoya Asian Games inton Setiembre 27, idinto a mangrugi iti China Open inton Setiembre 30.
Iti 2023 Asian Games idiay Hangzhou, nakagun-od ni Eala ti bronse a medalya. Ita a tawen, panggepna nga irepresentar manen iti Pilipinas ken makilaban para iti balitok a medalya.###
