Nangisubmitir iti petisyon sadiay Office of the President ni election lawyer Attorney Romulo Macalintal a kumidkiddaw kenni Presidente Ferdinand Marcos Junior nga i-veto ti singasing a mangitantan iti Barangay at Sangguniang Kabataan Elections wenno BSKE.
Kiniddaw pay ni Macalintal a makasango ni ti presidente, kasta met dagiti legal adviser na tapno personal nga ilawlawag iti panagkontra.
Segun kenkuana, saan a rumbeng a mapaatiddog iti terminodagiti agdama nga opisyales ti barangay babaen iti panangitantan ti eleksyon. Impunto na a nakasaganan iti Commission on Elections para iti November 2 polls, karaman iti panangimprenta kadagiti balota ken dadduma pay a magastar.
Kinuna ni Macalintal a nu mabaliwan iti termino dagiti opisyales ti Barangay ken Sangguniang Kabataan, nasken a maipatungpal daitoy kadagiti baro a nabotosan, a saan a kadagiti agdama a nakatugaw iti puesto.
