Imballaag ti Department of Science and Technology–Philippine Atmospheric, Geophysical and Astronomical Services Administration (DOST-PAGASA) nga iti agdama ang Strong El Niño iti Tropical Pacific ket posible nga agbalin a Very Strong iti nagbaetan ti Setiembre ken Disiembre ita a tawen ken agtultuloy agingga iti umuna a kagudua ti 2027.
Segun ti PAGASA, mabalin daytoy a mangigubuay ti napapaut a panagtudo, dry spells, kalgaw ken stress iti suplay ti danom, a makaap-apektar iti agrikultura, taraon, enerhiya, salun-at, ken ekonomiya.
Inallukoy met ni Department of Science and Technology Secretary Renato U. Solidum Jr. dagiti lokal a gobierno ken apektado a sektor a nasapa nga agsagana, bayat a sinigurado ni PAGASA Administrator Dr. Nathaniel V. Servando iti agtultuloy a monitoring ken regular a panangited ti updates.###
