Pinaregta ni Pope Leo XIV dagiti agtutubo nga agtalinaed a natibker iti pammatida ken agbalinda a wagas a mangidanon daytoy iti sabali, bayat ti isasarungkarna idiay Francia.
Mapattapatta a 700,000 a tattao iti timmabuno iti open-air Mass iti Place de la Concorde idiay Paris idi Setiembre 26, kalpasan a masabat iti Santo Papa dagiti naguummong iti Champs-Élysées bayat a nakasakay iti popemobile.
Iti homiliana, kenuna ni Papa Leo a ni Jesucristo iti pagatataudan ti “sibibiag a danum” a mangsungbat iti nauneg a pannakawaw ti tao iti Dios, ken indagadagna kadagiti napudno a mangyeg iti namnama kadagiti makapaspasar iti inakapuy ken naespirituan a panagmaga.
Sakbayna, adda met dialogona iti nasurok a 80,000 nga agtutubo iti Stade de France idi Setiembre 25 ken pinaregtana ida a suruten ni Kristo nga awan ti buteng.
Paset iti Paris Mass ken panagtitipon dagiti agtutubo iti uppat nga aldaw nga apostolic journey ni Pope Leo XIV idiay France manipud Setiembre 25 agingga 28.###
