BR LA UNION – Impaganetget ni House Prosecutor Terry Ridon a saan pay a nalpas iti imbestigasyon seknan iti nagan a “Mary Grace Piattos” iti laksid ti panangikkat wenno panangibabawi ti sumagmamano nga impeachment charges kontra kenni Vice President Sara Duterte.
Segun kenni Ridon, agtultuloy latta iti imbestigasyon ken proseso iti Commission on Audit (COA) ken Office of the Ombudsman seknan kadagiti nagan a rimwar iti liquidation ti confidential funds.
Dinakamat ni Ridon iti interview, a nupay adda dagiti meme wenno pagtu-tung-tungan a maibilangen a “dropped in peace” ti isyu.
Kinunana a nakatutok ita ti prosekusyon iti palawag ti pamilya Duterte seknan iti P818 milyon a saan a mailawlawag a kinabaknang ni VP Sara ken asawa na a ni Mans Carpio.
Kinuna na, saanen a fictitious dagiti nagan a mairamraman gaputa pudno a tattao iti madak-dakamat, kabilang ti maysa nga opisyal a mabalin a ma-impeach.
