Sinungbatan ni National Bureau of Investigation Dir. Atty. Melvin Matibag iti panangibilang kenkuana ni Vice President Sara Duterte kas ‘nobody’.
Aminado ni NBI Dir. Matibag a maibaga a ‘nobody’ a talaga isuna nangruna nu pagibasaran iti kaadda ti mansyon ken negosyo.
‘Nobody’ pay isuna nu iti pagibasaran ket maaw-awat a kuwarta manipud iti Chinese state-owned companies.
Nupay kasta, impasigurado na nga agtultuloy latta iti panangipatungpal ti ahensiya iti mandato na ken mangnamnama a saan nga agsardeng iti imbestigasyon.
Maipalagip nga imbaga ni Vice President Sara Duterte a saan isuna nga interesado iti nasao a direktor kalpasan a kinarit na a mangidatag ti kaso nu biddut man iti isay-sayangkat da nga imbestigasyon.
Adda kunana iti forum, iti Office of the Ombudsman ken Senate Impeachment Court, tapno naurnos a sungbatanna dagiti alegasyon seknan iti SALN na wenno Statement of Assets, Liabilities, and Net Worth.
Nu subliyanan, iti napalabas a press conference ti National Bureau of Investigation, inawis ti direktor iti bise presidente nga agdarum ken idalan iti umno proseso iti panangkwestyon ti isay-sayangkat da nga imbestigasyon.
