Nakaala iti Pilipinas ti $34.1 milyon a pondo manipud Estados Unidos tapnu parang-ayen iti produksyon ken panag-export ti ube, a namnamaen a makatulong kadagiti nasurok-kumurang 12,500 a mannalon iti uneg ti lima a tawen.
Idauluan ti international nonprofit a TechnoServe iti proyekto tapnu papigsaen iti pagbiagan dagiti mannalon ken iti suplay ti ube para iti sangalubungan a merkado.
Segun iti Department of Trade and Industry (DTI), dumanon iti $3.06 milyon ti eksport dagiti produkto a naaramid iti ube idi 2025, karaman dagiti maipatpatulod idiay Estados Unidos, United Kingdom, Italy, ken Middle East.
Kabayatanna, sinuspinder ti gobierno idi Setyembre ti panag-export ti sadiwa nga ube ken dagiti seedling daitoy tapnu maprotektaran iti lokal a suplay iti tengnga ti ngumatngato a sangalubungan a demand.
