LA UNION – Agtultuloy a maag-agasan iti ospital iti Presidente ti Association of Barangay Captains (ABC) ti Bauang, La Union kalpasan a mapaltugan iti uneg ti e-games casino iti maysa a resort ti nasao met laeng nga ili itay alas-7 ti rabii.
Nabigbig iti biktima a ni ABC President Noel “Wowwie” Gallardo, residente ti Barangay Pagdalagan Sur, Bauang.
Naamwan ti Bombo Radyo manipud Bauang Police Station, a bayat nga agay-ay-ayam ti slot machine iti biktima ket kellaat nga inasetgan ken pinaltogan iti suspek a ni Jeffrey Escobal, 40, residente ti Barangay Aurora, Alicia, Isabela.
Dagus a naglibas iti suspek kalpasan a napaltugan na iti barangay kapitan.
Naiturong met iti Ilocos Training and Regional Medical Center ditoy syudad ti San Fernando, La Union iti biktima tapno maagasan iti sinagrap na a tama ti pammaltog.
Agtultuloy a duk-duktalen ti pulisya iti motibo ti pammaltog ken pananganop iti nadakamat a suspek.
