Inlawlawag ni Batangas Representative Gerville “Jinky Bitrics” Luistro nga iti nakatuding a panagdingngeg ti House Committee on Justice inton Marso 25, 2026 mainaig iti impeachment complaint kontra kenni Bise Presidente Sara Duterte ket maysa a preliminary investigasion laeng ken saan pay a naan-anay a panagusig.
Segun kenkuana, limitado iti partisipasion iti hearing gapu ta dagiti miembro laeng ti Committee on Justice iti mabalin a mangisayangkat ti direkta ken cross-examination kadagiti testigo, maitunos kadagiti pagannurotan ti 20th Congress.
Kabayatanna, dagiti abogado ti agsinnumbangir a dasig ket agserbi laeng a kas advisers, bayat a dagiti mammanday-linteg a saan a kameng ti komite, kas kenni Representative Rodante Marcoleta, ket mabalin a mangipaay laeng ti “manifestation” ken saan a mapalubosan nga agsaludsod.
Inlawlawag ni Luistro nga iti akem ti Kamara iti daytoy a paset ket kapada iti akem dagiti piskal a mangikeddeng no adda ti “probable cause” tapno ituloy iti kaso.
No adda ti umdas a basaran, mairekomendar daytoy iti plenario, ken sadiay nga agkasapulan ti kakatlo a botos manipud kadagiti amin a miembro ti Kamara tapno maipasa dagiti Articles of Impeachment iti Senado para iti pormal a panagusig.###
