Inlawlawag ni Acting Senate President ken Senate President Pro-tempore Win Gatchalian a saan a naka-lockdown iti Senado.
Kasaruno daytoy ti impaulog a direktiba ni Gatchalian a work-from-home dagiti amin nga empleyado ken staff ti Senado, karaman iti panangipatungpal ti heightened security measures kalpasan iti nakalap nga intelligence information nga adda ti pangta iti Upper House.
Inlawlawag ni Gatchalian, saan a lockdown iti Senado ken naingato laeng iti seguridad.
Innayon na pay a case-to-case basis no kasapulan a pastreken ti OSAA iti uneg ti Senado dagiti empleyado kas dagiti agtrabtrabaho iti finance ken admin a kasapulan nga urnusen iti sueldo dagiti staff kangrunaan ta linawas a mangit-ited ti sueldo iti Senado.
Inpaganetget ti Senador nga importante iti kinaadda ti koordinasion ken adda ti valid grounds tapno palubusan a makastrek iti pasdek.
Sakop met ti heightened security dagiti senador isu nga inyapela na kadagiti pada na a mammanday-linteg a sumurot iti maipatpatungpal ita a work arrangement.
Mapalubusan a makastrek dagiti senador iti Senado no adda ti official business daytoy.###
