LA UNION – Insapubliko ni US DOJ Special counsel Jack Smith iti ad-adu pay nga ebidensiya iti 2020 elections interference case kontra kenni sigud nga US President Donald Trump.
Daytoy ket aganay 1,900 redacted pages a dokumento nga addaan ti 4 volumes ngem adda iti blank pages.
Iti umuna a set dagiti ebidenisya ket adda pakainaiganna iti excerpts ti naduma-duma a committee interview ti US House of Representatives idi January 6 kas paset ti imbestigasyon ti panel iti napasamak a capitol riot.
Iti maikadwa a set of evidence ket naglaun iti selyado a pinanid, tweets, ken dadduma pay a social media posts ni Trump ken dagiti kaalyado na, kabilang ti sumagmamano a posts idi January 6 Capitol riot.
Iti dayta a gundaway ket pinasagidan ni Trump ni ex-VP Mike Pence nga awan ti napigsa a pakinakem na tapno suportaran ti panangi-kagumaan a baliktaden iti election results.
Iti maikatlo a set ket naglaun kadagiti ladawan ti napirmaan a fake elector certificates a nakatulong iti panang-baliktad ti resulta ti 2020 election result, ken transcript ti panagtawag ni Trump iti Georgia secretary of state kalpasan ti 2020 election, ket ditoy a kiniddaw iti sigud a presidente nga agsapol iti botos tapno baliktaden iti resulta ti eleksiyon.
Iti maudi a set of evidence ket naglaun ti memos manipud iti abogado a ni John Eastman, a maipagarop nga adda plano para kenni Pence nga i-reject iti congressional certification ti 2020 election ken iti public statement ni Trump, rabii sakbay a napasamak iti January 6 riot.
Namnamaen a dagiti nairwar nga ebidensiya ket usaren ni Smith tapno usigen ken kaswan ni Trump.
Immunan a pinagkedkdean dagiti abogado ni Trump iti panangirwar dagiti nasao a dokumento gaputa umadanin ti presidential elections inton November 5, ngem saan a kinanunongan ni U.S. District Judge Tanya Chutkan.
Maipalagip nga immuna a na-convict ni Trump idiay New York iti 34 a bilang ti panangpalsipika iti business records na, kalpasan a pinadas na a kalluban iti hush money payments iti porn star a ni Stormy Daniels.
