Saan nga maatipa dagiti mangimatmaton iti merkado publiko ditoy syudad ti San Fernando, La Union dagiti sumsumrek a tricycle sadiay.
Daytoy iti kinuna ni Essel Casuga, Market Inspector ti San Fernando City Market kabayatan iti pannakaiuman ti Bombo Radyo La Union kenkuana.
Segun kenni Casuga, agduduma dagiti sumsumrek a tricycle idiay palengke no sadino dagitoy ket bin-eg nga agal-ala kadagiti angkat da nga ilako a lames.
Kinuna na a kanayon met ti palagipda kadagiti tricycle drivers a saanda ditoy nga agparada agsipudta makisanga daytoy iti taray ti trapiko.
Naiyumanda metten daytoy iti biang ti Office of Public Safety ngem maipagarop nga agsublida latta kalpasan dagitoy a masitar.
