LA UNION – Adda nakasagana nga addang ti Armed Forces of the Philippines (AFP) tapno masungbatan iti anti-trespassing policy ti China idiay West Philippine Sea, a nangrugi nga ipatungpal ti China ita nga aldaw, June 15, 2024.
Segun kenni AFP Chief of Staff General Romeo Brawner, adda inaramid da a preparasyon kadwa da ti naduma-duma a concerned agencies kas ti Phil. Coast Guard, PNP, BFAR ken dadduma pay nga ahensiya tapno tukadan ti detention policy ti Beijing iti pagin-innagawan a teritoryo.
Tag-tagikuaen ngamin ti China a paset ti teritoryo da iti 10-dash line.
Aminado ni Brawner a mariribokan da iti nasao nga isyu, ngem impaganetget na a saan a rumbeng nga agbuteng ti pagilian, agsipudta ti nasao a lugar ket paset ti exclusive economic zone ti Pilipinas.
Kayatna sawen, awan ti jurisdiction ditoy iti China.
Inallokoy ni Brawner dagiti mangngalap nga ituloy laeng iti normal a routine iti uneg ti exclusive economic zone agsipudta adda a kanayon a nakabantay ti militar tapno protektaran dagiti Pilipino a mangngalap.
