Impasiguro ti Armed Forces of the Philippines (AFP) ti panagtignay ti kangatoan a standard iti disiplina.
Manipud iti statement nga inruar ti AFP ket nakailanad nag agtigtignay ti intero a hanay da nga isuda ket maysa a propesyonal nga institusyon a naidatag nga addaan iti disiplina, integridad, ken panagraem iti dignidad ti tao.
Mainayon iti dayta ket saan da a palubosan nga agraira iti hazing, physical abuse, panangmaltrato, ke dadduma pay a klase ti panagabuso.
Imbilin AFP Chief General Romeo Brawner Junior kadagiti amin a hanay ti kasundaluhan nga agkumit iti kangatoan a standard ti military conduct ken disiplina kasta met nga ilaksid dagiti amin a klase ti hazing ken panangmaltrato.
Agtalinaed kunana iti AFP iti panagkumit da a pagbalinen a narang-ay iti kultura ti propesyunalismo, mutual respect, ken accountability.
Segun iti hukbo, amin a personnel, aniaman ti rango wenno posisyon, ket nasken a matratar nga addaan iti panagraem ken dignidad iti training man, seremonya, duty, ken uray inaldaw-aldwa a panagtungpal iti trabaho.
Maipalagip a maysa a bagito nga soldado iti pimmusay kabayatan iti reception rites ti 6th Infantry Division ti Philippine Army idiay Mindanao nga iti agdama ket mangisaysayangkaten iti nauneg nga imbestigasyon ti AFP.
