Impasiguro ti Armed Forces of the Philippines nga agtaltalinaed iti monitoring da iti Chinese AI model nga DeepSeek.
Daitoy ket kalpasan ti nagbalin a waragawag ti ken pakaseknan ti international bodies a mangibagbaga nga addaan ti security concerns ti nasao nga Artificial Intelligence Model.
Maipalagip nga impawil dagiti pagilian nga Australia ken Taiwan ti panagusar ti DeepSeek a Chinese AI model gapo iti danag nga amangan makompromiso dagiti napapateg ken sensitibo nga impormasyon ti gobierno da.
Gapo iti daitoy ket kinuna ni AFP Spokesperson Colonel Francel Padilla, a tutokan da iti national security ti Pilipinas.
Innayon ti opisyal nga amin a teknolohiya nga usaren ti Armed Forces ket maiyannurot iti nainget ken kumplikado nga data security standards.
Nakasagana metten ti ahensya a sumurot nu ibilin ti gobierno nga i-ban ti nasao nga pinartuat ti China a delikado ken mapagduaduaan a modelo ti AI.
