Kinondina ti Armed Forces of the Philippines (AFP) iti panangiwaras ti kamali nga impormasion a mangibagbaga nga “impangta” ni Presidente Ferdinand Marcos Junior nga ikkaten iti pension dagiti sulado.
Nagpost ni Congressman Kiko Barzaga nga addaan ti paulo a, “Breaking News — President Marcos threatens to remove AFP pension in fear of Military sedition.”
Segun ti AFP, awan ti kinaagpaysona iti nasao a waragawag ken naaramid laeng tapno tikawen iti publiko.
Awan met ti aniaman wenno opisial a direktiba, waragawag, wenno alagaden manipud ti Presidente wenno aniaman nga ahensia ti gobierno.
Agtultuloy iti sibubukel a suporta ti administrasion kadagiti uniformed personnel, pakairamanan iti panangtaripato ken panangpatalinaed ti pension ken benepisio.
Protektado ti agraraira a linteg iti pension ti AFP – maysa nga earned benefit manipud ti saan a bumaba ti 20 a tawen ti napudno, nadayaw, ken dedikado a serbisio iti pagilian.
Mapukaw laeng iti pension no ita maysa a retirado a suldado ket napaneknekan a nagbasol iti maysa a krimen, kalpasan ti due process ken pinal a keddeng ti korte.
Awan ti sinoman nga opisial iti mabalin a mangtagiawan wenno mang-withhold ti pension.
Kinarit ti AFP dagiti amin nga opisial ti gobierno nga agbalin a naannad, nasayaat, ken addan ti integridad iti panangipaset ti impormasion.
Iti aniaman a panangiwaras ti kamali a damag ket mangigubuay ti panakagudua ken kinaawan ti talek ti publiko a saan a nasayaat iti maysa a serbisio-publiko.
Panawagan ti AFP, isardengen ni Barzaga iti panangiwaras ti disimpormasion a makadadael iti panagtalek ti publiko ken iti moral dagiti suldado a mangisaksakit iti pagilian.###
