BR LA UNION – Agtultuloy a makarikrikna ti panagdayyeg idiay Mindanao kalpasan ti napigsa a gingined a timma iti kabaybayan asideg idiay Sarangani idi Hunyo 8, 2026 nga agpigsa ti 7.8 magnitude.
Iti naudi a datus ti Phivolcs idi kalman, umaboten ti 7,435 iti nailista nga aftershocks.
Iti nasao a bilang 1,758 iti plotted bayat nga 84 iti narikna dagiti tattao.
Iti sakop ti magnitude dagiti panagdayyeg ket manipu 1.2 agingga 6.4.
Kabayatanna, umaboten iti 68 ti bilang dagiti natay manipud iti magnitude 7.8 a ginginged a timmama idiay Sarangani idi Hunyo 8, bayat a nasurok 1.4 milyon a tattao ti apektado iti intero a Mindanao, maibasar iti kauddian a datos ti gobyerno nga inruar ti Office of Civil Defense (OCD).
Agtultuloy ti panangpalagip dagiti residente idiay Visayas ken Mindanao nga agsagana a kanayon manipud iti posible nga aftershocks ken suruten dagiti abiso ti lokal a gobyerno ken Phivolcs para iti kinatalged.
