BR LA UNION – Naamwanen dagiti otoridad idiay Sydney nga ag-ama dagiti suspek nga adda iti likudan ti naranggas a pammaltog idiay Bondi Beach Australia idi Domingo, Disyembre 14, 2025 a nakatayan ti 16 a tattao ken nakadunoran iti 40 pay nga indibidwal.
Segun iti local police, napatay da ti 50-anyos nga ama a suspek iti mismo a crime scene bayat a ti anak na a 24 anyos ket nagbalin a kritikal ngem adda itan ti stable a kondisyon.
Iti 50 anyos a suspek ket naamwan a maysa a licensed firearms holder ken agtagikua ti innem a paltog a nakarehistro iti naganna ken nasarakan dagitoy idiay Bondi Beach.
Nasarakan pay iti asideg ti nakapasamakan ti krimen iti dua nga active improvised devices, ken naideklara a natalged ti lugar kalpasan a ballaygi a naikkat dagiti otoridad dagiti nasao a pagpabettak.
Kalpasan ti insidente, naideploy ti 328 police officers tapno mangipaay ti kanayunan a seguridad ken suporta para iti Jewish community idiay Sydney.
Iti nasao a pammaltog, napuntirya ti Jewish community a madama ti selebrasyon da iti tinawen a Hanukkah, maysa daytoy a walo nga aldaw a Jewish Festival of Lights.
