LA UNION – Nagkita met laengen dagiti ag-ina a Phillip Kinney ken Ma. Philea kalpasan ti sumagmamano a bulan a saan da a panagkita, sipud naipatungpal ti community quarantine iti intero a Luzon gapwanan ti COVID 19 pandemic.
Immuna ti daytoy, nagpatulong ni Phillip Kinney, residente ti Barangay Catbangen, iti Bombo Radyo La Union tapno makapagturong idiay Gumaca, Quezon ken matulongan ti ina na a Ma. Philea, a mairuar iti ospital gaputi dackel a hospital bill daytoy gapwanan ti sinagaba na a dackel a sugat iti likod wenno litteg.
Iti nasao a parikot ni Kinney ket naidarirag met kenni San Fernando City Mayor Alf Ortega, banag a dagus nga inaksiyunan ti local chief executive.
Naipatulod na ti baro idiay Gumaca, Quezon ken na-settle iti hospital bills ti ina na, babaen iti tulong ti gayyem ken sigud a classmate ni Mayor Alf a ni Congressman Mark Enverga ti Quezon Province.
Base iti impatulod a mensahe ni Kinney iti Bombo Radyo, idi Sabado a nagbiyahe da nga ag-ina, ket umabot ti 12 nga oras ti biyahe manipud Quezon Province agingga ditoy syudad ti San Fernando.
