LA UNION – Nakabaluden ita dagiti ag-live in gapu ti naduktalan a shabu kalpasan ti naisayangkat a raid ti pulisya idiay balayda idiay Barangay Pagdalagan Norte, syudad ti San Fernando, La Union.
Nabigbig dagiti suspek nga isuda Hipolito Mones, 60-anyos, ken Gina Nene Vencer 47yo, kapwa residente ti nasao a lugar.
Naammuan a babaen ti search warrant nga inyatnag ni Municipal Trial Circuit Court Judge Imelda P. Cosalan ket rinaut dagiti tauhan ti San Fernando City Police Office ti pagtaengan dagiti dua.
Umabot iti lima a sachet a nagalaon ti shabu ti nakompiskar dagiti pulis manipud iti balay dagiti suspek.
Isagsagana metten ti pulisya ti kaso a panaglabsing iti Comprehensive on Dangerous Drugs wenno Republic Act 9165 kontra iti mag-live in.
