LA UNION – Umaboten iti 1-k displaced overseas filipino workers iti natulongan ti Overseas Workers Welfare Administration (OWWA) Region One, iti sidong ti DOLE-AKAP Cash Assistance.
Iti eksklusibo a pannakiuman ti Bombo Radyo La Union kenni OWWA Region 1 Labor Communications Officer Geraldine Lucero, kinuna na nga adda iti 1,500 nga approved application ditoy Rehiyon Uno, ngem sangaribu pay laeng iti naikkan ken immawat ti P10-k a cash assistance manipud gobyerno.
Iti agdama, umabot metten iti P10-M iti naipalospos a pondo para iti nasao a programa, a nangrugi idi Abril 13 wenno dua a lawasen ti napalabas.
Ti nasao a programa ti Department of Labor and Employment (DOLE) ket tulong kadagiti OFWs a saan a nakasubli iti sabali a pagilian nga ayan ti trabaho da, gaputi naipatungpal nga Enhanced Community Quarantine (ECQ) iti sapasap a Luzon gaputi COVID 19 pandemic.
Impaganetget pay ni Lucero a saan a bogus iti nasao a programa, nudiket legit wenno pudno, agsipudta ayuda daytoy para kadagiti OFWs a naapektaran iti COVID crisis.
