LA UNION – Aganay 200 a lokal ken gangannaet a turista a na-stranded iti Ilocos Region kalpasan a naabutan da iti pannakaipatungpal ti Enhanced Community Quarantine (ECQ) iti intero a Luzon, iti nakasublin kadagiti lugar da babaen iti tulong ti Dept. of Tourism (DoT)-Region One.
Daytoy ket babaen iti naiyuswat a tourist assistance online helpdesk ti nasao nga ahensiya ti gobyerno.
Sipud idi Lunes, Abril 6, umabot iti 166 a foreign tourist ken 31 a Pilipino iti naka-avail ti nasao a libre a tulong ti DoT, babaen iti pannakaitulod dagitoy iti naggapwan da a lugar.
Kadagiti 166 a gangannaet, 61 kadagitoy a kaadwan ket swiss nationals iti napa-awiden ti gobyerno iti naggapwan da a pagilian bayat a 77 dagiti manarimaan a matultulongan.
Siniguro met ti DoT a sakbay a mapa-awid dagiti napupok a turista ditoy Region One ket nasurot amin a precautionary steps nga adda pakainaigan na iti panangsalwad ti salun-at kontra COVID-19, a kas iti pannaka-amiris dagiti turista ken pannaka-disinfect dagiti behikulo a paglug-luganan dagitoy.
Iti nasao nga addang ti DoT ket babaen iti pannakibinnulig da iti Department of Health Region-1.
Kabayatanna, base iti kauddian a datus ti Ilocos Center for Health Development – Region 1 maipapan iti COVID-19, makita nga awan ti nagbaliwan ti kaso agsipudta agtaltalinaed nga 42 dagiti kumpirmado a kaso ti sakit iti intero a rehiyon uno.
Pakaibilangan ditoy iti 20 idiay Pangasinan, 6 idiay Dagupan City, agtaltalinaed met a 13 ditoy La Union, 2 idiay Ilocos Norte ken maysa idiay Ilocos Sur.
