Nasurok a 5,000 a tattao ti na-evacuate manipud iti nasaknap a layus iti kaaduan a paset ti Luzon, segun iti Philippine Coast Guard (PCG).
Segun iti pannakangiwat ti PCG a ni Captain Noemie Cayabyab, dagiti rescue operations ket naipamaysa kadagiti lugar a nakaro iti layus na, pakairamanan ti Valenzuela, Cavite, Laguna, Bulacan, Bataan, Pampanga, ken Pangasinan.
Iti agdama ket addaanda iti umdas a bilang dagiti rubber boats a mabalin nga usaren dagiti lokal a gobierno kasta met dagiti aganay 6,700 a personnel a naka-full alert a mangisayangkat kadagiti rescue operations iti aniaman nga oras.
Umdas pay kunana dagiti alikamen a kas iti radio communications equipment para iti naparpartak a komunikasion ken panagtignay kadagiti pagkasapulan dagiti tattao.
Malaksid iti sungbat ti layus, nakasagana met ti PCG a mangpalawa pay iti tulong para kadagiti preemptive evacuation efforts kadagiti lugar a nakaro nga apektado iti layos.
Kabayatanna, pinasingkedan ti PCG nga agtultuloyda a makikoordinar kadagiti mangngalap ken lokal a gobierno ti asideg kadagiti komunidad iti igid ti baybay tapno masiguro ti kinatalgedda.
