LA UNION-Pormalen a naideklara a drug-cleared dagiti 487 a barangay iti entero nga Ilocos region.
Iti naisayangkat a regional oversight committee meeting nga indauluan ti Philippine Drug Enforcement Agency (PDEA) ken Department of Interior and Local Government (DILG) ket napirmaanen ti certification dagiti barangay a kayatna a sawen, nadalusanen dagitoy manipud iti iligal a droga.
Karaman ditoy ti 22 a barangay manipud Pangasinan, 212 iti La Union, 27 idiay Ilocos Sur ken 23 idiay Ilocos Norte.
Kabayatanna, binagbagaan ni DILG regional director James Fadrilan ti lokal a gobierno ti Ilocos Norte gapu iti saanda a panangdutok iti representative isu a saan pay a mabalin a mapirmaan ti sertipikasion para iti nadakamat a probinsia.
Segun kenkuana, awan ti serbi ti drug-clearing operation no saan a kumpleto dagiti miembro ti oversight committee.
Target-da ngamin ti 70% drug cleared barangays agingga a malpas ti agdama a tawen.
