LA UNION – Adda itan iti kustodia ti Department of Environment and Natural Resources (DENR) dagiti 280 a pidaso ti kawayan nga illegal a naputed idiay Brgy. Balecbec, Naguilian, La Union.
Immuna iti daytoy, sinaed dagiti otoridad ti maysa a truck a nakailuganan dagiti kayo nga agbalor iti P19,600.
Kagiddan daytoy ti pannakatiliw dagiti tallo a pahinante a da Moises Puyungan Jr., 30-anyos, addaan asawa, residente ti Pico, La Trinidad, Benguet; Maruel Tagtag, 51, ti Beckel, La Trinidad; at Japeth Ondres, 19, ti Camp Dangwa iti nasao nga ili.
Segun kadagiti tallo, ibiaheda koma idiay siudad ti Baguio dagiti kayo.
Awan met ti naiparang dagitoy a kaskenan a dokumento kadagiti otoridad isu a natiliwda gapu iti panaglabsing iti ordinansa ti ili nga adda pakainaiganna iti PD 705.
