Nagkiddaw iti agasawa a Pacifico ken Sara Discaya ti kanayunan a panawen iti Independent Commission for Infrastructure tapno maipasa dagiti dokumento a kidkiddawen ti komision mainaig iti imbestigasion kadagiti maanomalya a flood control projects.
Segun kenni ICI Executive Director ken Spokesperson Atty. Brian Keith Hosaka, naituding inton Oktubre 15 iti sumaruno a panagdingeg tapno maipasa da dagiti kanayunan nga dokumento.
Kabayatanna, kenuna ni Hosaka nga iti nagbalin a panagdingeg ni Senador Mark Villar ket imbinglay na dagiti nagbalin a proseso ti Department of Public Works and Highways idi isuna pay ti sekretario ditoy.
Innayon na pay, saan dan a maulit a paayaban ni Villar.
Pinaglibakan met ni Hosaka dagiti alegasyon ti maipagarop a “cover up” iti imbestigasion ti ICI ken impaganetget a pagsungbaten iti siasinoman a mapaneknekan a karaman kadagiti iregularidad ti flood control projects.###
