LA UNION – Natakawan iti dackel a kantidad ken nginginaen a laptop iti maipagarop nga agassawa a nagturong iti maysa a resort idiay Bauang, La Union.
Daytoy ti inkamang iti Bauang Police Station iti manager ti resort a ni Daniel Darimbag,52, residente ti Barangay Baccuit Sur iti nasao nga ili.
Base iti salaysay na kadagiti otoridad, maipagarop nga umabot iti P41,450 iti intaray a kuwarta ken maysa a laptop, iti maysa a lalaki a naka-maskara, nakasuot ti blue polo shirt, maong shorts, ken naglugan iti gray toyota vios, addaan ti conduction sticker nga A4B269, ken nakita a simrek iti resort ken kuwarto ti agassawa agarop alas 8:37 ti agsapa.
Base daytoy iti naala a CCTV footage iti resort.
Agtultuloy iti isay-sayangkat nga imbestigasyon dagiti otoridad tapno mabigbig ti suspek a simrek iti resort.
