LA UNION – Umar-araraw iti kanayunan nga ayuda wenno tulong pinansiyal manipud gobyerno iti agkabsat a bulsek ti Barangay Dallangayan Oeste, San Fernando City, La Union.
Iti panagturong ti Bombo Radyo Newsteam iti pagnanaedan ti agkabsat a bulsek kadwada iti ina da, pada- pada dagitoy a nangipeksa ti tarigagay a maipaayan koma met ti cash aid.
Iti agkabsat a bulsek ket isuda Antonino Espiriti, 47; Joseph, 40; ken iti ina da a ni Flordelina, 72-anyos.
Aminado iti pamilya Espiriti nga iti senior citizen nga ina da iti immawat laeng ti P5,500.
Kabayatanna, inlawlawag ni Barangay Chairman Gavino Martinez ti Dallangayan Oeste, City of San Fernando a ti laeng ina nga ESpiriti iti inikkan da ti P5,500 a cash aid kas maysa a senior citizen nupay umaw-awat met laeng ti pension manipud SSS.
Kinuna na a dagiti annak na a bulsek ket saanen a nairaman kadagiti SAP benificiaries agsipudta adda met laeng iti disabled pension nga aw-awaten dagitoy manipud SSS.
Banag a dagitoy kuna ni Kapitan Martinez ket imbasar da laeng iti inyetnag a guidelines ti DSWD.
Pakabuklan a 464 recipients/benificiaries ti Social Amelioration Program idiay Barangay Dallangayan Oeste.
