LA UNION – Agpada ita a nakabalud iti agkabsat kalpasan a maarestar dagitoy iti insayangkat a search warrant dagiti otoridad idiay Barangay San Benito Norte, Aringay, La Union.
Nabigbig dagiti suspek nga isuda Deme ken Sherwood Flores, addaan ti umno nga edad ken agpada a residente ti nasao a lugar.
Immuna ditoy, inserbi dagiti otoridad ti search warrant nga impaulog ni Presiding Judge Mary Bomowey-Salupen ti Municipal Trial Court idiay ili ti Aringay a napetsaan ti October 16, 2018.
Nakumpiskar manipud kadakuada iti (2) a sachet ti maatap a shabu.
Sumangsango ita dagiti agkabsat iti kaso a panaglabsing iti RA 9165 wenno Comprehensive Dangerous Drugs Act of 2002.
