LA UNION – Dua a high value target (HVT) ken agkabsat iti inarestar dagiti otoridad iti nagsina a balay idiay Barangay Poro, San Fernando City, La Union idi Abril 29, 2021.
Immuna a natiliw iti maysa a lalaki a maibilbilang a high value target (HVT) iti insayangkat nga operasyon ti PDEA Region 1 kadwa da ti naduma-duma nga operating units ti PNP, iti pagtaengan ti managan Ricky Mamaril, 51-anyos, iti Barangay Poro, agarop alas 4:30 ti bigat.
Nakumpiskar kenkuana iti pito a pidaso ti plastic sachet a naglaun ti maatap a shabu; agdagsen ti 2 a gramo ken mapatta-patta nga agbalor ti Php 13,600 agraman iti naduma-duma a drug paraphernalia.
Arestado iti maysa pay a maibilbilang a high value target (HVT/Target Listed) iti insayangkat met laeng nga operasyon ti kapada a puwersa dagiti otoridad iti pagtaengan ni Rolando Mamaril iti nasao met laeng a lugar, agarop alas sais ti bigat.
Iti operasyon ket nagresulta iti pannaka-kumpiskar iti maysa a gramo ti maatap a shabu, mapatta-patta nga aggatad ti P6,800; aluminum foil ken coin purse
Dagiti dua ket agpada a sumangsango iti kaso a panaglabsing iti Section 11&12 ti Art 2 iti Republic Act 9165.
