Nangipaay ti Department of Agriculture-Regional Field Office 1 iti agri-interventions nga aggatad iti P3.1million kadagiti innem nga asosasion dagiti mannalon iti umuna a distrito ti La Union.
Naisayangkat ti distribution idiay Ilocos Region Integrated Agricultural Research Center (ILIARC), Sapilang, Bacnotan, La Union idi kalman, Hulio 21, 2023.
Karaman kadagiti naipaay ti four-wheel drive tractor, hand tractor, tractor, pump ken engine sets, plastic crates, power sprayers, floating tiller, ken rice thresher.
Nakipaset iti distribusion ni La Union First District Rep. Francisco Paolo Ortega V, Board Member Gerard Ostrea, DA-ILIARC Chief Ms. Editha Estacio, APCO for La Union Assistant Ms. Febielyn Calias, FOD Banner program staff ken dagiti benepisario a mannalon.
