LA UNION – Naan-anayen a maysa nga Agriculturist ni Michael Cedric Benedicto Bartolome, 31-anyos, tubo ti Hagonoy, Bulacan kalpasan a pimmasa ti kalkalpas nga Agriculturists Licensure Examination.
Iti interview ti Bombo Radyo La Union kenni Bartolome, kinuna na a saanna nga ipagarop nga ag-top 2 iti eksaminasyon.
Nupay kasta, maragsakan iti nagun-od na iti napili na a kurso kalpasan ti 15 a tawen a panagadal na iti kolehiyo.
Istorya ni Bartolome nga idi elementarya ken sekondarya ket inarapaap na ti sumrek iti seminaryo tapno agbalin a padi, ngem nagbaliw amin idi simmagpaten iti kolehiyo.
Napili na iti kurso nga Agriculture gaputa adda hilig na kadagiti mula ken nagserbi metten nga inspirasyon na dagiti nagannak na, nga agpada nga adda hilig na iti mul-mula.
Ni Bartolome ket tinurpos na ti kolehiyo iti DMMSU-North La Union Campus ditoy probinsiya ti La Union.
