LA UNION – Nagbalakad ti San Juan Disaster Risk Reduction and Management Office babaen kenni Gino Mabalot, iti amin nga umili, a napateg unay iti panagurnong ti danum iti anyaman nga oras.
Segun kenni Mabalot, saan a mapakadaan dagiti sumangbay a kalamidad kas koma iti gingined, isunga napateg nga adda iti naurnong a danum a mabalin nga usaren nu tumpuar ti kalamidad.
Kinuna na a mapukaw iti supply ti danum iti tubo nu adda dagiti kalamidad.
Inlawlawag na pay a tallo a lawas a mabiag iti tao nga awan ti maipauneg na a taraon, ngem tallo nga aldaw laeng nga ag-survive wenno agpaut ti maysa a tao nu awan ti inumen na a danum.
Kabayatanna, nagpalagip pay a napateg iti panagsalimetmet ita ti danum gaputa nakiddit nu tiempo ti tikag.
