Binilin ni Presidente Ferdinand Marcos Junior dagiti nagduduma nga ahensya ti gobierno babaen ti panangidaulo ti National Disaster Risk Reduction Management Council (NDRRMC) a mangilatag ti plano da para ti nasapa a panagresponde iti manamnama ga epekto ti Bagyong Crising ken Southwest Monsoon wenno Habagat.
Segun kenni Palace Press Officer Undersecretary Claire Castro, naipangaton ti “blue alert status” ti National Disaster Risk Reduction and Management Council (NDRRMC) para ti panagsagana kadagiti arawaten pangresponde dagiti tattao da.
Madaman a mangisaysayangkat ti pre-disaster risk assessment ti ahensiya kas pammalagip iti panagsagana ti bagyo. Impasiguro payen ti Department of Science and Technology – Philippine Atmospheric, Geophysical and Astronomical Services Administration ti agtultuloy a panangiruar da iti weather update.
Malaksid iti NDRRMC, nakaalerto payen ti Department of the Interior and Local Government (DILG) ken Department of Social Welfare and Development (DSWD) para iti panangipatulod ti tulong kadagiti kailian a nakaro nga maapektaran ti didigra.
