Nakasaganan dagiti aktibidad a nairangta para ti panangselebrar ti 176th Founding Anniversarry ti probinsya a La Union.
Inton Lunes, Pebrero 23, maangay ti “Elyu Pinaka Mek Mek” a pakabuyaan dagiti kalding a naka-costume ken ti “Ang Pinaka! Agri-Fishery HarBEST” a pakatan-okan dagiti agri-fishery products a maangay idiay Senator Alejo R. Mabanag Building grounds, City of San Fernando, La Union.
Maisayangkat met ti Grand Electric Float Parade, inton Pebrero 27, aldaw ti Biernes.
Mangrugi ti parada idiay Robinsons, La Union, agrikos idiay City of San Fernando Plaza, ken agturong idiay Speaker Pro-Tempore Francisco I. Ortega Convention Center Grounds, Brgy. Sevilla, City of San Fernando, La Union.
Para kadagiti amin nga apan agbuya, ammuen dagiti alterbatibo a ruta gapu ta adda dagiti kalsada a maiserra manipud alas-kuatro ti malem aginggana alas-10 ti rabii.
Agperform ti back-to-back UAAP Cheer dance Champion a National University Pep Squad iti opening ti Elyulympics inton Pebrero 28 idiay City of San Fernando Plaza, La Union.
Ti Elyulympics ken marugian babaen ti maysa a parada iti oras nga ala-una ti malem.
Kabayatanna, nakasagana metten ti LUPPO para iti agsasaruno nga aktibidad a maangay ditoy probinsiya.
