Tinambakan ti Alas Pilipinas Women iti Qatar babaen ti iskor a 25-8, 25-2, 25-9, iti classification round ti 2026 Asian Games idi kalman iti Okazaki Chuo Sogo Park Gymnasium idiay Japan.
Nangidaulo ti middle blocker a ni Amie Provido nga addaan ti 18 puntos, bayat a nagambag met isuda Shaina Nitura ken Bella Belen ti pito ken innem a puntos.
Iti second set, immabante iti Pilipinas ti 19-0 sakbay a naan-anay a selyuan iti straight-set victory.
Sumaruno a sanguen ti Alas Pilipinas iti Mongolia ita nga aldaw, alas-sais ti rabii, ken iti mangabak ket agabante iti maika-siam a puesto.###
