LA UNION – Napagnunummuan iti sibubukel a konseho ti ili a Bauang, La Union a maiyakaren iti aldaw ti regular session dagitoy.
Iti umuna nga aldaw ti regular session iti Bauang Municipal Council nga indaulwan ni Municipal Vice-Mayor Henry Bacurnay ket napagsasaritaan iti pannakiyurnos iti internal rules ti konseho.
Iti motion ng inaramid ni Municipal Councilor Bong Aquino a maiyakar manipud iti sigud nga aldaw ti Martes nga agbalinen nga aldaw ti Myerkules ti regular session ket inanamungan met daytoy iti mayorya.
Ngem saan met nga agbaliw iti oras nga alas-9:00 ti agsapa iti panangrugi ti taripnong nga epektibo inton July 17, 2019.
Kabayatanna, impanamnama met ti konseho iti munisipyo a silulukat dagitoy para kadagiti umili tapno makipaset kadagiti matratar a gakat, ordinansa ken dadduma pay a pakaseknan iti nasao nga ili.
