Pinaglibakan ni sigud a chief presidential legal counsel Salvador Panelo iti alegasion nga adda dagiti maleta a naglaon ti kuarta a maipagarup a naitulod kenni Bise Presidente Sara Duterte ken ti pamiliana, nga inawagan na a pinarparbo nga estoria a nairanta a mangikkat ken manglapped iti panagkandidatona iti 2028 elections.
Daytoy ket kalpasan ti palawag ni sigud a Police Corporal Rodulfo Gracioso Jr., a nangibaga a nangitulod isuna dagiti maleta a naglaon ti ₱20 million agingga ₱50 million ti tunggal maysa kada Bise Presidente Sara Duterte, sigud a Presidente Rodrigo Duterte, ken Davao City First District Representative Paolo Duterte, babaen ti bilin ni sigud nga House Speaker Lord Allan Velasco.
Mapattapatta a nasurok a dua bilion a pisos iti pakabuklan a naitulod kenni Duterte.
Inlibak ti Bise Presidente nga am-ammona ni Gracioso wenno nakaawat ti kuarta manipud kenkuana, idinto a pinaglibakan met ti kampo ni Velasco iti alegasion.
Agtultuloy met nga im-imbestigaran daytoy ti National Bureau of Investigation.###
