Nakastreken iti quarterfinals ti Mubadala DC Open ni Filipina tennis star Alex Eala kalpasan a maabak na iti defending champion a ni Leylah Fernandez ti Canada, 6-2, 7-6 (7-1), iti second round ti torneo idiay Washington, D.C.
Kalpasan a madominar iti umuna a set, nakabawi ni Eala manipud ti 1-5 a pannakaibati iti maikadua a set sakbay a naan-anay a maipangabak iti laban iti uneg ti maysa nga oras ken 53 a minuto.
Segun kenni Eala, nagbalin a dakkel a karit iti laban gapu iti kinalaing ni Fernandez, ngem inpannakkel daytoy iti panagtalinaed na a kalmado ken iti agtultuloy a pannakilaban na kadagiti naririgat a kanito ti ay-ayam.
Iti opening round, inabak ni Eala ti Paris Olympic gold medalist a ni Zheng Qinwen ti China iti tallo a set.
Sanguen na iti quarterfinals iti mangabak iti nagbaetan ti second seed a ni Elina Svitolina ti Ukraine ken qualifier a ni Polina Kudermetova ti Russia. Maangay daytoy inton Sabado iti alas-dose ti parbangon, Agosto 1 (oras ditoy Pilipinas).###
