Agsagsagana itan ni Filipina tennis star Alex Eala para iti sumaruno a torneo a pakipasetanna inton sumaruno a bulan.
Kalpasan ti exit-na iti Round of 16 iti Miami Open, makisalip isuna iti clay court a 2026 Upper Austria Ladies Linz Open.
Mangrugi ti nasao a torneo manipud Abril 6 agingga 12 ken maangay daytoy iti indoor clay court ti Design Center Linz.
Nakalista ti 20-anyos a ni Eala iti WTA 500 tournament kadua dagiti sumagmamano a dadakkel a nagan iti tennis a kas iti defending champion a ni Katerina Alexandrova, Clara Tauson, Emma Raducanu, Emma Navarro, Jelena Ostapenko, ken Sorana Cirstea.
Iti agdama ket mangrugin ti panagensayona para iti nadakamat a torneo.###
