Inaklon ni Filipina tennis superstar Alex Eala nga ado pay ti kanen na a bagas tapno naan-anay a makasabay kadagiti kalaingan a players iti lubong ti tennis, kalpasan ti 6-0, 6-2 a pannakaabak kenni Coco Gauff iti quarterfinals ti Dubai Duty Free Tennis Championships.
Maibasar iti report, naaddaan isuna ti ado a gundaway nga asaen ti kabaelanna iti pudno nga ay-ayam, gapu ta manamnama a maipaayan isuna ti wild card kadagiti sumagmamano a torneo
Nangpartuat dagiti organizers ti iskedyul tapno kanayun a maikabil isuna iti center court – maysa nga addang a nairugi iti Australian Open, kalapasan a madillaw iti venue ti singles match ti Filipina tennis star.
Maipalagip nga idi napalabas a tawen ket napaneknekan na a saan nga imposible nga abaken dagiti giants, kas iti pannangabakna kontra kenni Iga Swiatek iti Miami Open.###
