Napaay da Alex Eala ken American partnerna a ni Hailey Baptiste nga umabante iti doubles category ti Italian Open kalpasan a naabakda kada Taylor Townsend ken Kateřina Siniaková, iti iskor a 6-2, 6-1, idi Mayo 12 idiay Roma.
Nasapa a natengngel da Townsend ken Siniaková ti laban kalpasan a naagawda ti momentum iti umuna a set ken nag-reeling off kadagiti agsasaruno a pannangabak tapno palpasen daytoy iti 6-2.
Iti maikadua a set, dagus a limmamang ti Grand Slam doubles champions ti 4-0. Nupay nakabawi da Eala ken Baptiste iti maysa nga ay-ayam, saanda a napasardeng iti agresibo a serving ken net play dagiti kalabanda a nangselio iti 6-1 a panagballigi.
Iti laksid ti pannakaabak, naikeddeng nga ituloyn ni Eala ti panagsaganana iti clay-court para kadagiti sumaganad a torneo, karaman ti Parma Ladies Open ken Internationaux de Strasbourg a kas panagsagana para iti French Open inton ngudo ti Mayo.###
